ನೋಡಮ್ಮಾ ಮುಗಿಲ ತುಂಬಾ
ಬೆಳ್ ಬೆಳಕಿನ ಮಲ್ಲಿಗೆ
ಹಾರಿಹೋಗಿ ಕಿತ್ತು ತಂದು
ಮುಡಿಸಲೇನೆ ತರುಬಿಗೆ?
ನಮ್ಮ ಮನೆಯ ಅಂಗಳದಲಿ
ಅರಳಿ ನಗುವ ಹೂವಿಗಿಂತ
ದೊಡ್ದವೇನೆ ಅವುಗಳು?
ಹಸಿರು ನೆಲದ ಮೇಲೆ ಅರಳಿ
ನಗುವ ಬದಲು ಅಷ್ಟು ಮೇಲೆ
ಹೋದವೇಕೆ ಅವುಗಳು?
ನಾನೇ ದೇವರಾಗಿದ್ದರೆ
ಚಿಕ್ಕೆಯೆಲ್ಲ ನಮ್ಮೂರಿನ
ಮನೆ ಮನೆಯಲಿ ಅರಳುವಂತೆ
ಸೃಷ್ಟಿ ಮಾಡುತಿದ್ದೆನು
ಇಷ್ಟು ತಿಳಿಯಲಿಲ್ಲವೇನೆ
ಜಗವ ಮಾಡಿದಂಥ ದೇವ
ನಿಜವಾಗಿಯೂ ದಡ್ಡನು!
- ಜಿ ಎಸ್ ಶಿವರುದ್ರಪ್ಪ
('ಪ್ರೀತಿ ಇಲ್ಲದ ಮೇಲೆ' ಕವನ ಸಂಕಲನದಿಂದ)
