ಹೆಸರು ಕೂಡ ತಿಳಿಯಲಿಲ್ಲ

ಹೆಸರು ಕೂಡ ತಿಳಿಯಲಿಲ್ಲ

ಅವನ ಒಲಿದೆನೋ

ಯಾವ ನೆಲೆಯೋ ಯಾವ ಕುಲವೋ

ಒಂದು ತಿಳಿಯೆನು.

ಕಂಡೊಡನೆ ಸೋತೆ ನಾನು ಏನೂ ನೋಡದೆ

ಮಾಯದಿರುಳ ಮರುಳಿನಲ್ಲಿ ಮನವ ನೀಡಿದೆ

ನಿನ್ನ ವಿನಾ ಬಾಳೆನು ನಾ ಎಂದು ನುಡಿವೆನು

ಮೊರೆವ ತೊರೆವ ಸೆಳವಿನಲ್ಲಿ ಕೈಯ ಹಿಡಿದೆನು

ಕೈಯ ಹಿಡಿದೆನು.

ತುಟಿಯ ಬಿಸಿ ಹಾಗೆ ಇದೆ ತುಸು ಆರದೇ

ಎದೆಯೊಳೆನೋ ಉರಿಯುತಿದೆ ಹೊರಗೆ ತೋರದೆ

ಪ್ರೇಮ ಪತ್ರ ಬರೆದು ಬರೆದು ಕಳಿಸಿ ಪ್ರಿಯನಿಗೆ

ಕಾಯುತಿರುವೆ ಉತ್ತರ ವಿಳಾಸ ಬರೆಯದೆ

ವಿಳಾಸ ಬರೆಯದೆ ವಿಳಾಸ ಬರೆಯದೆ.

 

                -  ಎಚ್. ಎಸ್. ವೆಂಕಟೇಶಮೂರ್ತಿ