ಇರುಳ ಕರುಳನು ಹೊಕ್ಕು ನೋಡಿದೊಡೆ ನೀನಲ್ಲಿ
ಬಿಳಿದಾಗಿ ತೋರುತಿರುವೆ !
ಹಗಲಿನೆದೆಯನು ಬಗೆಯುತಿಣುಕಿದೊಡೆ ನೀನಲ್ಲಿ
ಕರಿದಾಗಿ ತೋರುತಿರುವೆ !
ಕಗ್ಗಲ್ಲಿನೆದೆಯಲ್ಲಿ ನುಗ್ಗಿ ನೋಡಿದೋಡಲ್ಲಿ
ಹೂವಾಗಿ ತೋರುತಿರುವೆ !
ಹೂವುಗಳ ಹೃದಯದಲ್ಲಿ ಹುಡುಕಿ ನೋಡಿದೊಡಲ್ಲಿ
ಕಲ್ಲಾಗಿ ತೋರುತಿರುವೆ !
ಭೂತಳದ ರೂಪಗಳ ಸಿಗಿಸಿಗಿದು ನೋಡಿದರೆ
ನಾಕಾರನಾಗಿ ನೀ ತೋರುತಿರುವೆ !
ನಾಕಾರ ತತ್ತ್ವವನ್ನು ಅನುಭವಿಸಿ ನೋಡಿದರೆ
ಸಾಕರನಾಗಿ ನೀ ತೋರುತಿರೆ !
"ಅದು ಅಲ್ಲ ! ಇದು ಅಲ್ಲ !" ಎಂದೆಲ್ಲರೊರೆಯೆ,
"ಅದು ನಾನು ! ಇದು ನಾನು" ಎಂದು ನೀ ಮೊರೆವೆ !
- ಕುವೆಂಪು
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ
ನಿಮ್ಮ ಉನ್ಮಾದದ ನಶೆ ನಮ್ಮೊಂದಿಗಿಷ್ಟು ಹಂಚಿಕೊಳ್ರಿ....